Саха сиригэр ааспыт сууккаҕа 174,5 гектар иэннээх 5 ойуур баһаарын умуллардылар , 13 913 гектар иэннээх 4 ойуур баһаарын туораттылар. Бу туһунан муниципальнай тэриллиилэр баһылыктара кыттыылаах өрөспүүбүлүкэ оперштабын мунньаҕар иһитиннэрдилэр.
Билигин 38 577 гектар иэннээх сиргэ 45 ойуур баһаара үлэлиир, олортон 14 261 гектар иэннээх сиргэ 15 ойуур баһаарын умуруорууга 398 киһи, 10 техника үлэлии сылдьар.
Бэҕэһээ ойуур баһаарын умуруорарга 4 Ми-8 бөртөлүөт, авиапортруллааһыҥҥа 17 сөмөлүөт үлэҕэ тардылынна.
Дьокуускайга уонна кини тулатыгар, Нам, Алдан оройуоннарыгар ойуур баһаара IV кылаастаах кутталы үөскэтэр, Ньурба оройуонугар — олус үрдүк V кылаастаах.
