РФ үөрэххэ министиэристибэтэ икки сылынан биир кэлим эксээмэни туттарыыга талан ылыы чааһыгар алтыс эксээмэнинэн арааб тылын киллэрэргэ былаанныыр. Ол туһунан миниистир Сергей Кравцов эттэ диэн, суруйар ТАСС.
Россия президенэ Владимир Путин уонна ОАЭ президенэ Мухаммед бен Заид Аль Нахайян алтынньы 21 күнүгэр Подмосковьеҕа Е.М. Примаков аатынан гимназияҕа сырыттылар. Гимназия филиала Абу-Дабига нуучча оскуолата 2021 сыллаахха арыллыбыта.
«Икки сылынан биһиги киин тестированиебытыгар талан ылыыга алтыс эксээмэнинэн арааб тылын киллэрэргэ былаанныыбыт», — диэтэ Кравцов презентация кэмигэр икки дойду лидердарын истиилэригэр.
Кини сэтинньигэ Примаков гимназиятыгар аныгы үйэҕэ арааб тылын үөрэтии боппуруостарыгар анаммыт бастакы пуорум буоларын эттэ. Мунньахха учуонайдар, атын тас дойдулартан преподавателлэр кыттыыны ылыахтара.
