18 От ыйа 18.07
  • 18°
  • $ 88,09
  • 96,3

2019 сылга тыа хаһаайыстыбатын министиэристибэтинэн 31 улууска 409 дьиэ тутулунна

Читайте нас на
Яндекс Новости
ЯДВ

2019 сыл түмүгүнэн 31 улууска 409 ыалга, ону сэргэ 207 тыа хаһаайыстыбатын үлэһиттэригэр уопсайа 31,4 тыһыынча квадратнай миэтэрэлээх дьиэ тутулунна. Бу туһунан СӨ тыа хаһаайыстыбатын министиэристибэтин пресс-сулууспата иһитиннэрэр.


2019 сылга СӨ тыа хаһаайыстыбатын министиэристибэтин иитинэн тыа сиригэр дьиэ тутуутугар 509,3 мөлүйүөн солкуобай социальнай төлөбүр көрүлүннэ. Ол онтон 468 мөлүйүөн федеральнай үбүлээһинтэн, 40,7 мөлүйүөнэ СӨ хааһынатыттан ылыллыбыта.

2020 сылтан тыа дьонун олохтоох усулуобуйаларын тупсарыы Саха сирин саҥа судаарыстыбаннай «2020-2025 диэри кэмҥэ тыа сирин территорияларын биир кэлим сайдыыта» бырагырааматын чэрчитинэн барыаҕа.

2020 сылга 69,7 мөлүйүөн солкуобай көрүллүө, 2,3 тыһыынча квадратнай миэтэрэ иэннээх олохтоох дьиэлэр киирэллэрэ былааннанар. Маны таһынан муниципальнай дьиэ тутуутугар 25,7 мөлүйүөн көрүллүө. Ол курдук 2020 сылтан саҕалаан тыа сиригэр олорор дьиэ тутуутугар 2% ставкалаах ипотека бэриллэрэ учуоттанар. «Тыа сирин ипотеката» 21-тэн 64-эригэр диэри саастаахтарга 5 мөлүйүөн солкуобайга тиийэ ипотека көрүллүөн сөп.

Сунтаар улууһун Тэҥкэ сэлиэнньэтигэр олорор Игнатьевтар дьиэ кэргэннэрэ дьиэ туттуутугар субсидия ылбыттара. 2019 сыл бүтүүтүгэр эдэр ыал дьиэлэригэр киирбиттэрэ.

Дьиэ кэргэн аҕа баһылыга Павел Игнатьев өрөспүүбүлүкэҕэ уонна улууска эдэр ыаллары уонна исписэлиистэри дьиэнэн хааччыйыыга улахан болҕомто уурулларын бэлиэтээтэ.

Игнатьевтар дьиэ кэргэннэрэ «Тыа сирин территорияларын туруктаах сайдыыта» бырагыраама чэрчитинэн дьиэлэрин туттубуттара. «ИП Игнатьев П.Г.» бааһынай хаһаайыстыбатын баһылыга Павел Игнатьев 2016 сыллаахха сылгы иитэр хаһаайыстыбаны тэринэн «Үлэтин саҥа саҕалыыр бааһынай хаһаайыстыбатын өйөөһүн» бырагыраама судаарыстыбаннай өҥөтүн ылбыта.

Бүгүҥҥү күҥҥэ Павел Григорьевич хаһаайыстыбатыгар 20 төбө сылгы, 30 биэ көрүллэр. Кини хаһаайыстыбата өрөспүүбүлүкэ үрдүнэн бастыҥынан биллэр.

Аҕыйах сыллааҕыта Игнатьевтар дьиэ кэргэннэрэ төрөппүттэрин дьиэтин таһыгар учаастак ылбыттара. Маҥнай кыракый дьиэ, мастарыскыай, гараж уонна баанньык ол кэнниттэн 100 квадратнай миэтэрэ иэннээх дьиэни туппуттар.

«Сырдык, ыраас, аныгы улахан дьиэ туттан биир улахан баҕа санаабыт туолбутуттан биһиги наһаа үөрэбит», — диэн Павел Игнтаьев эттэ.

Следите за самым важным и интересным в Telegram-канале и WhatsApp-группе ЯСИА