Дьокуускайга «Дыгын оонньууларыгар» бастакы сүүмэрдиир түһүмэх турнира саҕаланна. 23 эр бэрдэ кыттар, кинилэртэн үс киһи эрэ финалга киирэргэ путевка тутуоҕа, суруйар СИА.
Талыы «Триумф» спорткомплексыгар муус устар 4-5 күннэригэр ыытыллар. Претенденнэр ортолоругар бааллар — Дыгын оонньууларын кыттыылаахтара уонна призердара, биллиилээх многоборецтар, холобур Николай Матаннанов, Таатта улууһа, Артём Варданян, Нам улууһа, Никита Новгородов, Уус Алдан, Николай Обоев, Ньурба улууһа, Айхал Бюлтясов, Үөһээ Бүлүү улууһа.
Киирсии спорт үгэскэ кубулуйбут көрүҥнэригэр буолуоҕа. Бастакы күн национальнай ыстаҥа, тутум эргиир, мас-рестлинг. Иккис күн — ох саанан ытыы, хапсаҕай, 400 м сүүрүү, таас көтөҕүү.
Трансляция спортинай бэлэм киинин ютьюб-ханаалыгар көстүөҕэ.
Бу күҥҥэ «Дыгын оонньууларыгар» кыттыыга Саха сирин национальнай многоборьетыгар чемпионатын түмүгүнэн путевканы Дьулустан Ноговицын, Горнай улууһа, Алексей Уваровскай, Кэбээйи улууһа, Вячеслав Дьяконов, Нам улууһа, Айсен Ботуев, Үөһээ Бүлүү улууһа укта сылдьаллар.
