Саха сирин киин куоратыгар буолар «Азия оҕолоро» норуоттар ардыларынааҕы спортивнай оонньууларга 20 дойду кыттарын бигэргэттэ.
Тэрийээччилэр 30 судаарыстыба кыттарыгар былаанныыллар.
Сайаапканы биэрии хампаанньата 2024 сыл кулун тутар 1 күнүгэр диэри барар.
«Сайаапкалаһар хампаанньа күүскэ барар, бүгүҥҥү күн туругунан 20 дойду кыттарын бигэргэттэ. Сорохтор сайаапкалара бигэргэтии үлэтигэр сылдьар. Кулун тутар 1 күнүгэр диэри былааннаабыппыт курдук — 30 судаарыстыбаны күүтэбит», — диэтэ Владимир Максимов, «Азия оҕолоро» кэмитиэт президиэнэ.
Оонньуулар Дьокуускайга бэс ыйын 25 — от ыйын 7 күннэригэр 2024 сылга ыытыллаллар. Үс тыһыынчаттан тахса спортсмен кыттара күүтүллэр, 24 спорт көрүҥэр.
