Ыам ыйын 26 — 30 күннэригэр Бүтүн Россиятааҕы иккис агродьыктаан буолар. «Биир ньыгыл Россия» баартыйа «Российское село» бырайыагын чэрчитинэн РФ тыа хаһаайыстыбатын министиэристибэтин өйөбүлүнэн «Россельхозбааны» кытта ыытар.
Баҕалаахтар бары кытталлар. Сааһыттан, идэтиттэн, ханна олороруттан тутулуга суох. Тэрийээччилэр кыттааччылар түөрт категорияларын быһаардылар, онно сөптөөх сорудахтары оҥордулар, онлайн- уонна офлайн-киэптэри, маны сэргэ электроннай сертификаттары уонна кыайыылаахтарга дипломнары бэлэмнээтилэр.
Сунтаар улууһуттан Дария Михайлова бу буолаары турар дьыктааҥҥа кыттарга бэлэмнэнэ сылдьарын эттэ. «Бэйэм тыа хаһаайыстыбатыгар сыһыана суох идэлээхпин гынан баран, кэтэх хаһаайыстыбалаахпын. Интэриэһинэй буолуо дии саныыбын. Билиибин кэҥэтиэҕэ дии саныыбын. Баҕар, кэлин урбаанньыт буолан туруом, тыа хаһаайыстыбатын хайысхатыгар. Бу эйгэ билигин олус үрдүктүк тутуллар буолла», — диэтэ кини.
Санатар эбит буоллахха, бастакы агродьыктааҥҥа 30 ыйытыы баара: үүнээйи олордуутугар, сүөһүнү иитиигэ, племенной дьыалаҕа, балык хаһаайыстыбатыгар, АПК-ны сыыппаралааһыҥҥа, бородууксуйа экспорыгар, агротуризмҥа, куттала суох аска уонна агроидэ историятыгар.
