21 От ыйа 21.07
  • 22°
  • $ 88,02
  • 96,04

Ыам ыйын 2 күнэ. Бикипиэдьийэҕэ тунец балык туһатын туһунан суруллар

09:13, 02 мая 2020
Текст:
Читайте нас на
Яндекс Новости
ЯДВ

Ыам ыйын 2 күнэ Бикипиэдьийэҕэ сурулларынан, тунец балык күнэ. Бу балык элбэх омук аһыгар-үөлүгэр киирэр, ХНТ ааҕарынан сылга 7,7 мөл. тоннаҕа диэри хаптарыллара биллэр. Онтон Саха сиригэр бэҕэһээ сааскы булка сыһыаннаах ыйаахха Ил Дархан Айсен Николаев илии баттаата. Эр дьон күүтүүлээх докумуоннарын, төһө да коронавируһунан сибээстээн хааччахтааһыннардаах буолбутун иһин, тутан үөрбүттэрин биллэрдилэр.


Тунец балыгы ханнык баҕарар норуот күннээҕи аһын рационугар туттар. 100 г тунецка 280 мг фосфор, 1,3 г омега-3, D битэмиин, 350 мг калий уонна 75 мг натрий баар. Бу доруобуйаҕа олус туһалаах балык буоларын наука дакаастаабыт.

🔹1648 — бу күннэргэ Богдан Хмельницкэй салалталаах Запорожье казаактара Польшаны утары өрө турууну саҕалаабыттар. Бастаан быраабы эрэ туруорсуу курдук саҕаламмыт өрө туруу, элбэх өлөрүү тахсан сиэллэнэн-кутуруктанан барбыта, бааһынайдар өйөөбүттэрэ, онтон казаактарга үчүгэй сыһыаннаах Польша хоруола Владислав өлбүтүн кэннэ отой да уҕарытыллар кыаҕыттан ааспыта. Сайыныгар казаактар Арассыыйаттан көмө көрдүүргэ күһэллибиттэрэ. Ол эрээри 1651 сылга диэри нуучча ыраахтааҕыта хоруй биэрбэтэҕэ.

🔹1866 — Испания уонна Перу ыккардыларыгар Кальяо аттынааҕы кыргыһыы буолбут.

🔹1940 — Аан дойдуга сэрии буолбутунан XII Олимпиада тохтотуллубут.

🔹1945 — Бүрээт-Монгол АССР-ын Совнаркома ыам ыйын 2 күнүгэр Эбилгэ дацаанын тутар туһунан уураах таһаарбыт. Санаттахха 30-с сыллартан буддизм ССРС-ка бобуулаах этэ.

🔹1982 — Фолклендскай сэрии кэмигэр Британия подводнай лодката Аргентина «Генерал Бельграно» крейсерын тимирдибит. 323 моряк өлбүт.

Төрөөбүттэр:

🔸1729 — Померанияҕа ньиэмэс дьиэ кэргэнигэр (аҕата ол саҕана Штеттин куорат күбүрүнээтэрэ, ийэтэ Ольденбургтар династияларыттан төрүттээх) кэлин Арассыыйа импиэрийэтин ыраахтааҕыта Екатерина II буолбут София Фредерика Августа фон Ангальт-Цербст төрөөбүт. Дойдуну 1762—1796 сылларга салайбыта.

🔸1930 — Егор Лаптев (1997 өлб.) — Халыма суруйааччыта.

🔸1938 — Бүлүү Халбаакытыгар Егор Махаров — бөлүһүөпүйэ билимин дуоктара. СГУ бөлүһүөпүйэ кафедратын сэбиэдиссэйэ. Саха Өрөспүүбүлүкэтин НА акадьыамыга.

Өлбүттэр:

🔹1519 — Леонардо да Винчи өлбүт, Италия худуоһунньуга уонна саҥаны айааччыта.

🔹2011 — Усама бен Ладен, террорист.

https://sah.wikipedia.org/wiki/Леонардо_да_Винчи

https://sah.wikipedia.org/wiki/Ыам_ыйын_2

https://sah.wikipedia.org/wiki/Осама_бен_Ладен

https://sah.wikipedia.org/wiki/Уон_иккис_сайыҥҥы_олимпийскай_оонньуу

https://sah.wikipedia.org/wiki/Лаптев_Егор_Семёнович

https://sah.wikipedia.org/wiki/Кальяо_аттынааҕы_кыргыһыы

https://sah.wikipedia.org/wiki/Эбилгэ_дацаана

Следите за самым важным и интересным в Telegram-канале и WhatsApp-группе ЯСИА