29 Кулун тутар 29.03
  • -14°
  • $ 92,26
  • 99,71

Уус Алдан улууһун Бороҕон нэһилиэгэ куонкуруска кыттар

11:24, 17 апреля 2016
Текст:
Читайте нас на
Яндекс Новости
ЯДВ

Бороҕон нэһилиэгэ үлэҕэ бастыҥ муниципальнай көҕүлээһиннэри быһаарар Бүтүн Россиятааҕы куонкуруска Саха сирин аатыттан кыттар.


Биһиги улууспут, нэһилиэкпит саҥаны, үйэлээҕи оҥорууга, киллэриигэ мэлдьи инники күөҥҥэ сылдьар. Олохтоохтор төрөөбүт түөлбэбит чэчирии сайдарыгар ис дууһаларыттан кыһаллаллар. Ону дакаастаан Бүтүн Россиятааҕы куонкуруска кытта сылдьабыт», — диэн кэпсиир нэһилиэк баһылыга Василий Алексеев.

Улуус баһылыгын көмөлөһөөччүтэ Алексей Троев иһитиннэрбитинэн, Бороҕон өрөспүүбүлүкэҕэ бастакынан чөл олох бырагырааматын ылынан, уйгулаах олоҕу тутуспут нэһилиэк буолар. “Ол чэрчитинэн, бэйэлэрин холобурдарын Россия атын регионнарыгар билиһиннэрэр-сырдатар сыалтан бу куонкуруска кытта сылдьаллар. Улуус олохтоохторо бары кинилэри өйүүбүт, өрөспүүбүлүкэ бүттүүнэ да оннук санаалааҕа буолуо диэн эрэнэбит», — диэтэ кини.

Куонкурус буолан баран куоластааһыннаах. Билигин киирсии кытаанаҕа. Белгородскай уонна Самарскай уобаластар инникилээн иһэллэр. Саха сирэ кинилэр кэннилэриттэн. Онон түмсүүлээхпитин көрдөрөн http://www.vsmsinfo.ru саайтка “Лучшие мунициальные практики” киирэн ГОЛОСОВАНИЕ диэҥҥэ 542/Б3.3 нүөмэринэн сылдьар Бороҕон нэhилиэгэр куоласпытын биэриэххэйиҥ диэн улуус олохтоохторо ыҥыраллар.

Санатар эбит буоллахха, куоластааһын бүгүн муус устар 17 күнүгэр түүн 00:00 чааһынан түмүктэнэр.

Следите за самым важным и интересным в Telegram-канале и WhatsApp-группе ЯСИА