21 Тохсунньу 21.01
  • -48°
  • $ 73,82
  • 83,32

Устудьуоннар Алампа «Тапталын» туойаллар

17:31, 13 апреля 2016

Бэҕэһээ Былатыан Ойуунускай аатынан саха академическай драматическай тыйаатырыгар култуура уонна ускуустуба коллеһын устудьуоннара улуу Алампа «Таптал» драматын көрдөрдүлэр.


Тыйаатыр артыыһа буоларга уһуйуллар устудьуоннарга бу айымньыны СӨ култуура туйгуна, колледж дириэктэрэ Захар Никитин туруорда, преподаватель Августина Окоемова бэлэмнээтэ.

абкк

«Ыччат улахан сыанаҕа «сүрэхтэниитэ» улуу бэйиэт, кэпсээнньит, драматург Анемподист Софронов-Алампа төрөөбүтэ 130, «Таптал» драма айыллыбыта 100 сылларыгар ананар. Бу иннинэ испэктээкили оҕолор тыа сирин кулуубугар көрдөрбүттэрэ. Онно сылдьыбыт көрөөччүлэр эдэр оҕолор оруолларын арыйбыттарын, итэҕэтиилээхтик оонньообуттарын, онон улаханнык долгуппуттарын бэлиэтээбиттэрэ, санааларын үллэстибиттэрэ, алгыс тылларын анаабыттара. Устудьуоннар онтон санаалара улаханнык көтөҕүллэн, улахан сыанаҕа тахсарга турунан бэлэмнэммиттэрэ», — диир үөрэх кыһатын методиһа Василий Бачьев.

абкк2

Бэҕэһээ тыйаатыр иһэ дохсун ытыс тыаһынан өргө диэри ньиргийдэ. Сүүс сыл анараа өттүгэр суруллубут айымньы көрдөрөр, кэпсиир кыһалҕата көрөөччү сүрэҕин улаханнык долгутта. Таптал ханнык да кэмҥэ суураллыбат, сүппэт дириҥ, сырдык иэйии, олох уолбат угута буоларын дьон-сэргэ өссө төгүл итэҕэйдэ.

абкк0

0
0
21 января 21.01
  • -48°
  • $ 73,82
  • 83,32