29 Кулун тутар 29.03
  • -14°
  • $ 92,26
  • 99,71

Улуустарга таһаҕаһы тиэйиигэ бытаары бэлиэтэннэ

17:01, 18 февраля 2021
Текст:
Читайте нас на
Яндекс Новости
ЯДВ

Кыһыҥҥы суолунан улуустарга барыта 767,4 тыһ. туонна олоҕу-дьаһаҕы хааччыйар суолталаах таһаҕас тиэллиэхтээҕиттэн, бүгүҥҥү күҥҥэ 370,5 тыһ. туонна, о.э. былаантан 48,3% таһаҕас тиэллибит.


Былырыын баччаҕа 388 тыһ туонна (51,1%) таһаҕас тиэллибит. «Былаантан 3%-нан, 70 тыһ туоннанан хаалыы баар. Эбээн Бытантай, Өймөкөөн, Томпо, Усуйаана, Мэҥэ Хаҥалас, Хаҥалас, Чурапчы оройуоннарыгар бытаарыы бэлиэтэннэ. Ордук чаас чоххо уонна ниэпкэ», — диэтэ нэһилиэнньэ олоҕун-дьаһаҕын хааччыйыыга судаарыстыбаннай кэмитиэт бэрэссэдээтэлэ Дмитрий Лепчиков.

Тыа хаһаайыстыбатын бородууксуйатын тиэйиигэ эмиэ бытаарыы бэлиэтэнэр. Миниистир Александр Атласов 239 туонна былаантан 10 туонна тиэрдиллибитин иһитиннэрдэ. Кыраапыктан хаалыы сүрүн төрүөтүнэн миниистир тохсунньутааҕы улахан тымныылары, таһаҕаһы тиэйиэхтээх саҥа массыыналар хойутаан кэлиилэрин эттэ.

Бырабыыталыстыба бэрэссэдээтэлин бастакы солбуйааччы Алексей Колодезников былаантан хаалыыны уон хонук иһинэн ситэри сорудахтаата. Маныаха эбии тиэхиньикэ боппуруоһун быһаарары, кыһыҥҥы суол туругун хонтуруолга ылары, айанньыттар харгыһа суох айанныылларын хааччыйары эттэ.

Следите за самым важным и интересным в Telegram-канале и WhatsApp-группе ЯСИА