22 От ыйа 22.07
  • 27°
  • $ 88,02
  • 96,04

Уһук Илин ойуурун спутник нөҥүө көрөр буолуохтара

17:21, 30 августа 2019
Текст:
Читайте нас на
Яндекс Новости
ЯДВ

НВК САХА – Уһук Илини сайыннарыыга пуонда – «Аэромакс» уонна «Терра Тех» хампаанньалары кытары тэҥҥэ, ойуур баайын кэтииргэ аналлаах саҥа цифровой платформа оҥоруутугар үлэ ыытар. Бу туһунан өрөспүүбүлүкэ бырабыыталастыбатын пресс-сулууспата иһитиннэрэр.


Саҥа Лесвосток.рф сайт сүрүн өҥөтө – тоҕоостоох кэлимсэ тыалар интерактивнай хаарталара буолар. Сайт нөҥүө табыгастаах сири талан ылан, сир докумуонун оннугар көмпүүтэринэн оҥотторуохха сөп буолуо.

«Билиҥҥэ диэри ойуур үлэһиттэрэ кумааҕы хаартанан туһанар уонна ойуур баайын холоон көрөн сыаналыыр эбит буоллахтарына, мантан ыла ойуур баайа спутник нөҥүө кэтэнэр буолуоҕа. Ойуур хаһаайыстыбатын үлэтин дьэҥкир оҥорор сыалаах, электроннай аукцион уонна оҥоһуллар өҥө уонна табаар электроннай биржата олоххо киириэ. Үүнэн турар мас цифровой пааспара мас тыын суолталаах эргиирин барытын кэтээн көрөргө көмө буолуо», – диэн Уһук Илини сайыннарыыга пуонда генеральнай дириэктэрэ Алексей Чекунков кэпсээтэ.

Ойуур маһын барытын үрдүк хаачыстыбалаах нейроннай ситим нөҥүө түһэрэн ылыахтара. Ол кэннэ исписэлиистэр сир ньуурун барытын, хас биирдии мас сыанатын быһаарыахтара. Салгыы сааһын, үрдүгүн, ойуур баайын саппааһа төһөҕө тиийэрин ааҕар цифровой платформаҕа көһөрөн оҥоруохтара.

Источник: http://nvk-online.ru

Следите за самым важным и интересным в Telegram-канале и WhatsApp-группе ЯСИА