Итиини биэриини 25 кыраадыска диэри үрдэттилэр. Салайар хампаанньа быһыыны-майгыны хонтуруолга тутар. Бу туһунан Томпо улууһун Тополинайсэлиэнньэтин баһылыгын солбуйааччы Августа Двинянина иһитиннэрдэ.
СӨ ОДьКХ, энергетикаҕа министиэристибэтиттэн иһитиннэрбиттэринэн, хочуолунай эриэ-дэхси үлэлииригэр сөп буолар уматык саппааһа баар.
Тополинайга “СӨ ОДьКХ” ГУП Томпотооҕу филиалын оперативнай бөлөҕө, Томпотооҕу быыһыыр-баһаарынай гарнизон специалистара, министиэристибэ, “СӨ ОДьКХ” ГУП бэрэстэбиитэллэрэ бардылар.
Санатан эттэххэ, бу сарсыарда сэлиэнньэ хочуолунайын 25 куб м ниэптээх 400 куб. м иэннээх емкоһыгар баһаар буолбута. Уоту умуруорууга 24 киһи, 6 техника, ол иһигэр ЫБММ-тэн 16 быыһааччы уонна 5 техника үлэлээтэ.
