29 Кулун тутар 29.03
  • -15°
  • $ 92,26
  • 99,71

Томпоҕо Россия доруобуйа харыстабылын министиэристибэтин бөлөҕө сырытта

Читайте нас на
Яндекс Новости
ЯДВ

Министиэристибэ хамыыһыйата Томпо улууһугар вертолетунан кэлэн барда. Россия доруобуйа харыстабылын үлэһиттэрин ортотугар хас да Департамент бэрэстэбиитэллэрэ бааллар.


Саха сирин доруобуйа харыстабылын министиэристибэтиттэн бөлөҕү миниистир Михаил Охлопков салайан илдьэ кэлбит. Кинилэри улуус баһылыга Георгий Герсимов уонна улуус кылаабынай бырааһа Иван Оконешников көрүстүлэр.

Бөлөх Хаандыга бөһүөлэгэр киин балыыһа комплексыгар уонна поликлиникаҕа, Мэҥэ Алдан сэлиэнньэтигэр учаастактааҕы балыыһаҕа сырыттылар. Балыыһалар анал техническэй оборудованиенан хааччыллыыларын, төһө элбэх ыарыһах көрдөрөрүн, эмтэнэрин, орто хамнаһы ыйыталастылар. Анализ оҥорор лаборатория сөптөөх эминэн хааччыллыытын бэрэбиэркэлээтилэр. Эдэр терапевт-быраастан сааһырбыт эр киһи сүрэҕэ ыалдьыбытын хайдах эмтиэхтээҕин ыйыттылар. Ыарыыттан сэрэтэр эркин былакааттарын хайдах оҥорору уонна ханна ыйанара ордугун кытта сүбэлээтилэр.

Михаил Охлопков, СӨ доруобуйа харыстабылын миниистирэ:

Томпо уонна Таатта улуустарын холобуругар киэҥ сирдээх, аҕыйах нэһилиэнньэлээх Саха сиригэр медицинскэй көмө улуустар кииннэригэр уонна учаастактааҕы балыыһаларга хайдах оҥоһулларын, санитарнай авиация көтөрө олох ирдэбилэ буоларын көрдөрөбүт. Хомойуох иһин, табаһыттар олорор Тополинай сэлиэнньэлэригэр суол-иис куһаҕаныттан кыайан барбатыбыт.

Салгыы бөлөх Таатта улууһугар көттө.

Следите за самым важным и интересным в Telegram-канале и WhatsApp-группе ЯСИА