19 От ыйа 19.07
  • 21°
  • $ 87,88
  • 96,1

Үүт соҕотуопката. Былааннарын аһара толорор улуустар бааллар

13:02, 20 мая 2020
Текст:
Читайте нас на
Яндекс Новости
ЯДВ

Өрөспүүбүлүкэ үрдүнэн бас билии көрүҥүттэн тутулуга суох бары хаһаайыстыбалартан быйыл 80 706 туонна үүт соҕотуопкаланыахтаах. edersaas.ru суруйар.


Бүгүҥҥү туругунан, былааннаммыттан 11 349,5 туонна үүт туттарылынна, ити сыллааҕы былаан 14,06 %. Былырыын баччаларга 10 386 туонна туттарыллыбыта.

Коронавируһунан сибээстээн, хааччахтыыр дьаһаллары күүһүрдэн тураннар, хаһаайыстыбалар тустаах үлэлэрин дьоһуннук толороллор. Астыыр кэмбинээттэр уонна үүтү тутар пууннар ирдэнэр санитарнай нуормалары толору тутуһан үлэлииллэр.
Сорох улуустар кыбаарталлааҕы уонна ыйдааҕы былааннарын аһары толордулар. Хаһаайыстыбалар уонна соҕотуопкалыыр-астыыр кэпэрэтииптэр үлэһиттэрин харыстанар тэриллэринэн хааччыйаллар, үрүҥ аһы батарар маҕаһыыннар хаассаларыгар өстүөкүлэ быыһы туруордулар, онон атыылаһааччылар ирдэниллэр тэйиччини тутуһаллар.
Бу туһунан тыа хаһаайыстыбатын миниистирин солбуйааччы Василий Афанасьев видеокэмпириэнсийэ киэбинэн салайан ыыппыт сүбэ мунньаҕар улуустардааҕы тыа хаһаайыстыбатын управлениетын итиэннэ соҕотуопкалыыр-астыыр кэпэрэтииптэр салалталара иһитиннэрдилэр.
Өрөспүүбүлүкэҕэ үүтү туттарыы экономика өттүнэн эрэ буолбакка, тыа сирин олоҕор-дьаһаҕар улахан социальнай суолталаах. Бэс ыйыттан саамай үүттүгэннээх кэм, «улахан үүт» кэмэ саҕаланар, ону бэлэмнээх көрсүөх тустаахпыт, – диэтэ Василий Афанасьев.
Салгыы Нам улууһугар коронавируһунан ыалдьыы түбэлтэтэ тахсыбыт Салбаҥтан ураты нэһилиэктэргэ үүтү тутар пууннар, астыыр сыахтар үлэлииллэрин эттэ. Бары соҕортуопкалыыр-астыыр тэрилтэлэр тус харыстабыл тэриллэринэн, дезинфициялыыр сириэстибэлэринэн хааччыллан тураллар. Үүтү туттарааччы биитэр үлэһит коронавирус дьаҥар хаптарар түбэлтэтигэр хаһаайыстыба туох дьаһалы ылыахтааҕын туһунан тустаах инструктажтар ыытыллыбыттар.
Следите за самым важным и интересным в Telegram-канале и WhatsApp-группе ЯСИА