2023 сыл бүтүөр диэри Саха сиригэр өссө сэттэ саҥа оскуола «Үөрэхтээһин»национальнай бырайыагынан үлэҕэ киириэҕэ. Итинник иһитиннэриини өрөспүүбүлүкэ бастакы вице-премьерэ Дмитрий Садовников салайааччылаах штаб мунньаҕар иһитиннэрдилэр, диэн регион баһылыгын уонна бырабыыталыстыбатын пресс-сулууспата биллэрэр.
Ол курдук, саҥа үөрэх тэрилтэлэрин дьиэлэрин Жатайга, Аллайыаха оройуонун Чокурдаах бөһүөлэгэр, ону тэҥэ Кэбээйи улууһун Сайылыгар, Эбээн-Бытантай оройуонун Баатаҕай- Алыытыгар уонна Амма улууһун Абаҕа нэһилиэгэр үлэҕэ киллэриэхтэрэ.
Жатайга 360 миэстэлээх, Чокурдаахха уонна Сайылыкка — 275, Баатаҕай-Алыытыгар — 220, оттон Абаҕаҕа 150 үөрэнээччигэ уонна 70 уһуйаан оҕотугар аналлаах үөрэх тэрилтэтэ тутуллар.
