Хой
Күн үлэ уонна дьиэ-уот икки ардыгар тэҥинэн ааһар. Бэйэҕин сайыннарарга кыһалын эбэтэр айан туһунан кинигэтэ аах.
Оҕус
Эн төрүт эйгэҥ — харчы уонна бэйэҕин сыаналаныы. Урукку иэстэри ааҕынарга, бүтэһик алта ыйга тугу үөрэммиккин испииһэктииргэ тоҕоостоох күн.
Игирэлэр
Санааҥ элбэх да, олоххо киллэрэр табыллыбат. Бэйэҥ бизнес-өйүккүн анааран көр. Сөбүлэһиигэ илии баттаама, төһө да идиэйэҥ үчүгэй курдук көһүннэр.
Араак
Бу ый эйиэхэ элбэх ситиһиини аҕалыаҕа. Аан дойду болҕомтотун ортотугар бааргын. Киһитийии толкуйунан саҥардыллар түгэниҥ.
Хахай
Бу ыйга өй-санаа дириҥ араҥатын таарыйар. Онно эн бытаарар курдуккун. Сыалгын-соруккун сааһылаан, инниҥ хоту баран ис.
Кыыс
Эн дипломат буолуоххун наада. Иирсээннэргэ киирэн биэримэ. Урукку билсиилэргин чөлүгэр түһэр — барыстаах партнердары булуоҥ.
Ыйааһын
Карьераҕын уларытар кэм кэлбит. Өссө биирдэ толкуйдаа уонна урукку салалтаҕар тахсан кэпсэт. Эйигин онно күүтэллэр, үлэҥ ситиһиилэниэ.
Скорпион
Эйигин айан уонна туох эрэ саҥаҕа үөрэнии күүтэр. Ити эрээри ханна да барыма, дьиэҕиттэн тахсыма. Илдьэ сылдьар кинигэлэргин аах.
Охчут
Уйулҕаҕын сааһылыыр күн. Ыһыллыма. Үтүө дьону кытта алтыс. Кирэдьииккин бэрээдэктээ. Саҥаттан саҥа иэскэ кииримэ.
Чубуку
Доҕордуу, эр-ойох буолууга сыһыаны саҥаттан саҕалыыр кэм. Кэргэнниилэр аһаҕастык санааларын атастаһыылара үтүө эрэ өрүтү бэлэхтиэ.
Күрүлгэн
Айар кут уонна таптал бырааһынньыга. Урукку хоһоонноргун, хартыынаҕын ситэр. Сэрэйэн көрүүҥ муҥутуур күүстээх.
Балыктар
Үлэ уонна өссө үлэ, ити эрээри доруобуйаҕын көрүнэргин умнума. Сэниэҥ, кыаҕыҥ толору бүппэтигэр эрдэттэн харыстана, көрүнэ сырыт.
