Бэрт табыгастаах сыанаҕа учаастагы булан, атыы туһунан кэпсэтэн баран, кэлин биллибитэ — сир бааҥҥа иэс сылдьар буолуон сөп. Маннык түбэлтэлэр элбэхтэр: сыыһалар-халтылар биир үксүн докумуон оҥоһуллубутун кэннэ биллэллэр. Ону көннөрөргө элбэх бириэмэ уонна ньиэрбэ баранар. Учаастагы атыылаһарга тугу бэрэбиэркэлиир наадатын, эбии кыһалҕа ылбат курдук объясняем.рф сиһилии быһаарар.
Атыылаһарга үөскүөн сөптөөх балаһыанньалар
— Дьиэ баар, онно сөптөөх докумуоннара суохтар: холобур, бастакы регистрация кэмигэр докумуоҥҥа сыыһа киирэн, дьиэни кадастровай учуоттан устубуттар. Билигин дьиэни уонна сири атыылыыр туһугар бары докумуоннары хаттаан оҥоруохха наада.
— Сир учаастактарын харсыһыылара: межевание кэмигэр кирбиилэри харахтарынан быһаарбыттар. Маныаха кадастровай дааннайдары көннөрүөххэ наада.
— Дуогабарга биир, сиргэ — атын: дьиэ таһыгар хаһаайыстыбаннай тутуулар бааллар, ол эрээри ЕГРН киллэриллибэтэхтэр. Саҥа бас билээччи бэйэ оҥоһуутун иһин ыстарааптаныан уонна ону көтүрэргэ модьуйсуон сөп.
— Дьиэ былааннаабыта — оҕуруот эбит: атыылаһааччы учаастак тыа хаһаайыстыбатын сиригэр киирсэрин атыы түмүктэммитин кэнниттэн биирдэ билиэн сөп, маннык сирдэргэ олорор дьиэни тутар көҥүллэммэт, суруйда Саха сирэ саайт.
Бу барыта дьон атыылааччыга итэҕэйэн, докумуоннары бэрэбиэркэлээбэтиттэн тахсар. Сөптөөх сири атыылаһар уонна харчыны сүтэрбэт туһуттан, докумуону оҥорор иннинэ нотариуска сылдьыҥ.
Кини:
— учаастагы реестргэ бэрэбиэркэлиир;
— хааччахтары уонна сыыһалары булар;
— докумуоннары уонна устуоруйаны ырытар.
