25 От ыйа 25.07
  • 24°
  • $ 86,55
  • 94,38

Сииттэлэр уоҕуруо тистилэр

14:01, 01 февраля 2021
Текст:
Читайте нас на
Яндекс Новости
ЯДВ

Кэбээйи улууһун Сииттэ нэһилиэгин олохтоохторо «Оҕуруом аптаах абылаҥа» диэн куонкурус ыыттылар. Санитарнай хааччахтааһыннар тутуһулуннулар, дьон көхтөөхтүк кытынна.


Оҕуруонан араас оҥоһук куйаар ситимин нөҥүө улуустан уонна Дьокуускайга олорор биир дойдулаахтартан киирдилэр.

Марианна Сивцева, тэрийээччи:

— 39 үлэ киирдэ. Саамай кыраһыабай, элбэх үлэни куоракка олорор биир дойдулаахтарбыт Винокурова Ульяна Васильевна, Өктөмҥө олорор Харитонова Варвара Фёдоровна, Куокуйга олорор Гуляева Ульяна ыытан, дьон-сэргэ дьүүлүгэр таһаардылар. Ыраахтан кыттааччыларбытыгар махталбыт улахан.

Иис абылаҥын баһылаабыт Тимофеева Ольга Ивановна олус элбэх үтүлүк, бэргэһэ оҕуруонан симээн, аныгы үйэҕэ кэтэр мааны таҥастарын ыытан, үрдүк маастырыстыбатын көрдөрдө.

Оскуола оҕолоро аныгы сайдыы суолун батыһан дьоҕурдарын олус күүскэ сайыннараллар дии саныыбын. 10 кылаас үөрэнээччитэ Кондратьева Маша аныгылыы илин кэбиһэр, 5 кылаас үөрэнээччитэ Алексеева Милена кэрэ мозаика үлэлэрин көрдөрдүлэр.

Охлопкова Василиса Васильевна бэйэтэ тикпит суумкатын оҕуруонан киэргэппитэ көрүөххэ олус үчүгэй, Ермолаева Надежда Григорьевна үлэтэ биир дойдулаахтарын сэҥээриитин ылыан ылла.

Тэрээһин кэннэ санаа атастаһыыта буолла. Онно инникитин оҕуруоҕа аналлаах куруһуок тэриллэригэр кыттааччылар баҕа санааларын этиннилэр.

Следите за самым важным и интересным в Telegram-канале и WhatsApp-группе ЯСИА