18 От ыйа 18.07
  • 17°
  • $ 88,09
  • 96,3

Сахамедиа “Тупсаҕай Саха сирэ” акцията Чымынаайыттан саҕаланна

09:33, 06 апреля 2016
Текст:
Читайте нас на
Яндекс Новости
ЯДВ

Ил Дархан Егор Борисов 2016 сылы нэһилиэнньэлээх пууннары тупсаран оҥоруу сылынан биллэрбитин өйүүр сыалтан, «Сахамедиа» холдинг өрөспүүбүлүкэтээҕи “Я — Якутия” («Сахам сирэ») диэн акциятын чэрчитинэн “Тупсаҕай Саха сирэ” диэн бырайыак муус устар 5 күнүгэр саҕаланна. 


Таатта улууһун Чымынаайы бөһүөлэгэр оскуола выпускниктара Петр Тарабукин салалтатынан 2015 сыллаахха тулаайах оҕолору ииттэ ылбыт ийэлэргэ анаан “Ийэҕэ махтал!” бэлиэни Таптал скверигэр туруорбуттара. Ону ситэрэн Уус Амма нэһилиэгин олохтоохторо “Аҕа күрэҕэ” 17-с төгүлүн ыытыллар өрөспүүбүлүкэтээҕи күрэх чэрчитинэн уол оҕо уонна аҕа харысхал бэлиэлэрин арыйдылар.

Тупсарыныы сылынан сибээстээн, бастаан хаары ыраастаан, бэлиэ турар сирин күрэхтэһиигэ кытта кэлбит аҕалар бэлэмнээн, үлэҕэ кылааттарын киллэрдилэр. Бу харысхал аттынан сайын Аҕа бэлиэтин оҥоруохпут. Оҕону иитиигэ эр киһи оруола үрдээтин, чөл олоҕу тутуһуҥ!” — диэн нэһилиэк баһылыга Егор Васильев биллэрдэ.

Маннык дьону көҕүлүүр улахан тэрээһиҥҥэ СӨ гражданскай уопсастыба институттарын сайдыытын миниистирэ Сардаана Гурьева кыттыыны ылла. Кини өрөспүүбүлүкэ бүттүүнүн түмэр хамсааһыннар тыа сирин сайдыытыгар, түмсүүлээх буолууга туһаайыллалларын бэлиэтээтэ.

Эһигини бу дьоро күнүнэн эҕэрдэлиибит. Уопсастыба көҕүн, дойду иннигэр бэриниилээх буолууга этиилэрин судаарыстыба өттүттэн өйөөн, үлэҕэ киллэрэр соругу Ил Дархан Егор Борисов көҕүлүүр. “Сахамедиа” түөлбэлээн олорор сири, олох усулуобуйатын кэрэ, уйгулаах өттүгэр тупсарыыга анаабыт хамсааһынын арыллыбытынан ааҕабыт”, — диэн эттэ миниистир.

Силиги тупсаран 100 киһи сиэттиспитинэн Амма эбэ кытылыгар тахсан “Якутия” диэн суругу суруйда, салют ытта.

“Акциябыт Таатта ытык сириттэн, Амма өрүс биэрэгиттэн саҕаламмытыттан биһиги астынабыт. Мин Саха сирин олохтооҕобун, мин саха буолабын, дойдум, нэһилиэгим, улууһум, өрөспүүбүлүкэм туһугар туох баар кыахпын-уохпун биэрэн туран үлэлиибин-хамсыыбын диэн ис хоһоонноох акция аартыга эһигиттэн арылынна. Онон Чымынаайы олохтоохторо киэн туттуҥ!”, — диэн “Сахамедиа” генеральнай дириэктэрин I солбуйааччы Афанасий Ноев эттэ.

Олохтоохтор улаханныын кыралыын бары үөрбүттэрин, олус көхтөөхтөрүн, инникилэрэ сырдыгынан эрэ сыдьаайарын үөрэ-көтө кэпсээтилэр.

Следите за самым важным и интересным в Telegram-канале и WhatsApp-группе ЯСИА