21 Тохсунньу 21.01
  • -48°
  • $ 73,82
  • 83,32

“Сахам сирэ” акцияҕа тулагылар кытыннылар

09:03, 02 мая 2016
Текст:

Тулагы-Килдэм олохтоохторо муус устар 30 күнүгэр бары биир киһи курдук Тупсарыныы сылыгар уонна “Сахамедиа” холдинг “Сахам сирэ” акциятыгар анаммыт субуотунньукка көхтөөхтүк кытыннылар.

Олохтоохтор сарсыардаттан Тулагытааҕы ОДьКХ уонна Дьокуускай куорат ГО уонна ЫБМ дьыалаларыгар управление үлэһиттэрэ кыттыылаах тиэргэннэрин, уулуссалары, сквердэри, аллеялары ыраастаатылар, бөхтөн-сыыстан хомуйдулар.

Уопсайа 250-тан тахса киһи күн аҥара үлэлээтэ.

Олохтоохтор субуотунньукка ис дууһаларыттан баҕаран туран таҕыстылар. “Биһиги бу тэрээһин ис хоһоонун, оруолун, суолтатын барытын өйдүүр буоламмыт, сылын аайы кэлэктиибинэн кыттабыт”, — диир оҕо саадын сэбиэдиссэйэ Юлия Илларионова.

“Сахам сирэ” диэн акция ыытылларын истэн, кыттарга санаммыппыт. Дьыл бу кэмигэр бары субуотунньукка тахсаллар. Оттон бу акция үлэһит дьону сырдатар, бүтүн республика үрдүнэн ыытыллар үтүө дьыаланы сибээстиир сыаллаах ыытылларын биһирээтибит. “Сахамедиалар” маладьыастар. Маннык акциялар элбииллэрэ буоллар, дьону олус көҕүлүүр. Олохтоохторго махтанабын, төрөөбүт дойдуларыгар бэйэлэрин кылааттарын киллэрбиттэригэр”, — диир баһылык Александр Лебедев.

0
0
21 января 21.01
  • -48°
  • $ 73,82
  • 83,32