Краснодарскай кыраай Туапсинскай оройуонугар бастакы сменаҕа 174 оҕо сынньаныаҕа, олортон 77 оҕо Саха сирин хотугу уонна арктическай оройуоннарыттан.
Күн бүгүн «Морское братство» чэбдигирдэр лааҕырга 41 ахсааннаах бүтэһик бөлөх оҕолоро көттүлэр. Эрдэ сынньалаҥҥа Булуҥ, Дьааҥы, Эдьигээн, Муома, Аллараа Халыма, Орто Халыма, Усуйаана улуустарыттан федеральнай өйөбүл көмөтүнэн, 133 оҕо көппүтэ.
Санатан эттэххэ, 2022 сылга 1449 оҕо өрөспүүбүлүкэ тас өттүгэр сынньанарга уонна чэбдигирдиигэ барара былааннанар. 473 квотаны өрөспүүбүлүкэҕэ «Артек», «Океан», «Смена», «Орленок» лааҕырдар биэрбиттэрэ.
