29 Кулун тутар 29.03
  • -12°
  • $ 92,26
  • 99,71

Саха сирин уратыларын учуоттуурга туруорсаллар

09:11, 16 февраля 2016
Текст:
Читайте нас на
Яндекс Новости
ЯДВ

«Федерация сокуонун уонна РФ Доруобуйа харыстабылыгар министиэристибэтин медицинскэй тэрилтэлэргэ ирдэбиллэринэн, Саха Өрөспүүбүлүкэтигэр 289 араас таһымнаах медицинскэй тэрилтэттэн 268-һа сабыллар кутталлаах. Ол иһигэр, 150 учаастактааҕы балыыһа, 66 амбулатория, куорат 12 балыыһата, 20 улуустааҕы киин балыыһа». Маннык чахчылары СӨ бырабыыталыстыбатын бэрэссэдээтэлин солбуйааччы Алексей Дьячковскай олунньу 11 күнүгэр РФ Судаарыстыбаннай думатын кэмитиэтин парламентскай истиилэригэр иһитиннэрдэ.


Салгыы бу сытыы боппуруос быһаарыллыбытаҕына, Саха сиригэр 2 амбулатория, 1 учаастактааҕы,  4 куораттааҕы, 14 улуустааҕы балыыһа эрэ хаалаллар. Оҕо инфекционнай балыыһатын поликлиниката олох да суох буолуон сөп. Саха сирин 20 оройуона медицинскэй көмөтө суох хаалар. 6 111 эмчит, ол иһигэр Арктика 1 151 үлэһитэ, ууратыллар кутталлаах.

Онон вице-премьер сүрүннээн Россия хотугу уонна Арктика регионнарыгар доруобуйа харыстабылын тэрийии уратыларын учуоттуурга туруоруста.

Биллэрин курдук, 2012 с. доруобуйа харыстабылын уонна булгуччулаах медицинскэй страховкалааһын эйгэтигэр саҥа федеральнай сокуоннар ылыллыахтарыттан ыла, Саха Өрөспүүбүлүкэтэ федеральнай былаас уорганнарыгар Уһук Хотугу сир усулуобуйатын учуоттуулларыгар хаста да туруорсубута.

Федерация сокуона Саха сирин уратытын учуоттаабатаҕына, Саха сиригэр киэҥ сиринэн тайаан сытар бастакы уонна иккис сүһүөх медицинскэй көмөнү оҥоруу табыгастаах уонна хаачыстыбалаах буолуута биллэ мөлтүөн сөп. Ол оҕо төрөөһүнүгэр, нэһилиэнньэ доруобуйатыгар, демография көрдөрүүлэригэр биллэ дьайыаҕа.

Вице-премьер итини сэргэ ыраах сытар нэһилиэктэри кытары сылы быһа сылдьар транспорт суола суоҕунан, өрөспүүбүлүкэ элбэх хоромньуну эрэйэр санитарнай авиацияны туһанарыгар күһэллэрин болҕомтоҕо ылалларыгар эттэ.

Биир санитарнай көтүү сыаната ортотунан 700 тыһыынча солкуобай кэриҥэ буолар. Санитарнай авиация өҥөтүнэн туһаныыга сылга 1500-чэ ыҥырыы оҥоһуллар. Бу сыалга биир сылга өрөспүүбүлүкэ бюджетыттан 1 миллиартан тахса солкуобай ороскуоттанар.

Федеральнай нормативтарга сөп түбэһэр ирдэбиллэри толорорго санитарнай авиация өҥөлөрүн элбэтии, өрөспүүбүлүкэ бюджетыгар 9 миллиардка тиийэ эбии ороскуоту көрүү ирдэниллэр, – диэн Алексей Дьячковскай баар балаһыанньаны билиһиннэрдэ.

Доробуйа харыстабылыгар уонна медицинскэй көмөҕө хас биирдии киһи Төрүт сокуонунан көрүллэр быраабын тутуһар туһугар Алексей Дьячковскай Уһук Хотугу сир усулуобуйатын уратыларын учуоттуур туһунан өрөспүүбүлүкэ этиилэрин өйүүллэригэр көрдөстө.

Следите за самым важным и интересным в Telegram-канале и WhatsApp-группе ЯСИА