28 Кулун тутар 28.03
  • -11°
  • $ 92,59
  • 100,27

Саха сирин өрүстэрин төрдүлэрин арыллыыта бэс ыйын бастакы декадатыгар былааннанар

Читайте нас на
Яндекс Новости
ЯДВ

Саха сирин өрүстэригэр кутталлаах балаһыанньа бэлиэтэммэт. ЫБММ суһал бөлөҕө мониторинг оҥорор. Сааскы уу кэминэн ааһар. Бэс ыйын бастакы-иккис декадаларыгар бары өрүстэр төрдүлэрэ арыллыаҕа, регионнааҕы тэрилтэ салайааччыта Павел Гарин иһитиннэрдэ.

Өлүөнэ эбэ Эдьигээн территориятыгар 1012 см (ыксаллааҕа 1430 см). Бу күннэргэ муус  Булуҥ оройуонугар тиксэр, төрдө арыллыыта бэс ыйын 6-8 күннэрэ.

Халыма өрүскэ турар нэһилиэнньэлээх пууннарга эмиэ куттал суоһаабат. Ити эрээри Зырянкаҕа көтөр аал олорор балаһатын уу 35% ылла. Тамах арыллыыта ыам ыйын 31 — бэс ыйын 1 күннэрэ.

Дьааҥы эбэ мууһа Усуйаананан ааһар. Нижнеянскайга уу таһыма 214 см (470 см). Казачьеҕа муус аҕыйах. Төрдүн арыллыыта  эмиэ ыам ыйын 31 — бэс ыйын 1 күннэрэ.

Алаһыай эбэҕэ муус кытыылаан барыыта Андрюшкиноттан 30 км тэйиччи, үөһэтэ  – 40 км Арҕахтаахтан аллара. Төрдө ыраастаныыта — бэс ыйын 5 — 6 күннэрэ, оттон Өлөөҥҥө бэс ыйын 1-3 күннэрэ.

Индигииркэҕэ муус икки суукканан Аллайыахаҕа тиийиэҕэ, төрдүгэр бэс ыйын 5 — 6 күннэригэр арыллыаҕа.

Следите за самым важным и интересным в Telegram-канале и WhatsApp-группе ЯСИА