«За Россию» ОНФ Саха сиринээҕи салаатын көхтөөх дьоно Айсен Николаевка олоҕу тупсарыыга этиилэри тириэртилэр. Көрсүһүү видеоконференцсибээһинэн ыытылынна, өрөспүүбүлүкэ сүрүн пресс-сулууспата иһитиннэрдэ.
Быйыл ОНФ Саха сиринээҕи көхтөөх дьоно коронавирус инфекциятын кытта охсуһууга улахан өйөбүл буоллулар. Акцияларга кыттыстылар: волонтёрдар колл-кииннэргэ сайаапкалары ыллылар, медицина үлэһиттэрэ тус харыстанар сириэстибэлэринэн хааччыллыыларыгар көмөлөстүлэр, самоизоляцияҕа олорооччуларга астарын, хаһаайыстыбаҕа туттар табаардарын тириэртилэр.
Холобур, Ньурба улууһун Маарыгар ОНФ-лар көҕүлээһиннэринэн аптека арылынна. Бу дьаһал саҕалана илигинэ олохтоохтор 40 км ыраах айаннаан, улуус кииниттэн эми-тому атыылаһар кыһалҕалаахтара.
Айсен Николаев бэлиэтээбитинэн, хас биирдии маннык быһаарыы дьон олоҕун хаачыстыбата үрдүүрүгэр ананар, былааска ордук итэҕэл үөскүүр.
