25 От ыйа 25.07
  • 21°
  • $ 86,55
  • 94,38

Саха сирин дуобаччыттара Арассыыйа чемпионатыгар аҕыс мэтээли ыллылар

10:15, 03 октября 2023
Читайте нас на
Яндекс Новости
ЯДВ

Балаҕан ыйын 20-30 күннэригэр Москва уобалаһын Покровскай бөһүөлэгэр нуучча дуобатыгар Арассыыйа чемпионата ыытылынна, НВК Саха телеграм-ханаал суруйар.

Турнирга уопсайа 25 гроссмейстер уонна 30 спорт маастара кытынна.

Дьахталларга Сандаара Апросимова үс көрүҥҥэ үс мэтээли ылла – «классикаҕа» кыһыл көмүс, «блитцка» үрүҥ көмүс уонна «рапидка» боруонса.

Эр дьоҥҥо гроссмейстер Гаврил Колесов үс көрүҥҥэ үс мэтээли ылары ситистэ.

Оттон нуучча дуобатын саамай түргэн (молниеноснай) көрүҥэр Саха сириттэн Николай Гуляев бастаата, Гаврил Колесов иккистээтэ, Николай Стручков үһүстээтэ.

Тоҕус күннээх күрэхтэһии түмүгүнэн Саха сирин хамаандата аҕыс мэтээллэннэ – икки кыһыл көмүс, үс үрүҥ көмүс уонна үс боруонса

Следите за самым важным и интересным в Telegram-канале и WhatsApp-группе ЯСИА
Тутаах тыллар