Ийэ дойдуну аныгы көмүскээччилэргэ, СВО событиеларыгар анаммыт мемориальнай комплекс Дьокуускайга тутуллуоҕа. Георгий Михайлов СВО геройдарын үйэтитии мемориалларга эрэ буолбакка, бэчээккэ уонна сыыппара архыыбыгар хатаныахтааҕын эттэ.
«Бу үлэҕэ уопсастыбаннай хамсааһыннар бэрэстэбиитэллэрэ, Аҕа дойду буойуннарын дьиэ кэргэттэрин регионнааҕы кэмитиэтэ, «Защитники Отечества» судаарыстыбаннай пуонда кыттыахтаах», – диэтэ Георгий Михайлов.
Дьаһалта салайааччыта муниципальнай оройуоттарга анал байыаннай дьайыы кыттыылаахтарын өйдөбүнньүктэрин үйэтитиигэ эбии миэрэлэри ылалларыгар болҕомтону туһаайда. Тэрээһин мунньах кэмигэр хамыыһыйа үлэтин былаана, архыып, музейдарга экспозиция туһунан этилиннэ.
