Оттук сезонугар бэлэм буолуу пааспарын өрөспүүбүлүкэ 39 муниципальнай тэриллиитэ ылла. Ростехнадзор управлениетын бэлиэтээбит итэҕэстэрин Бүлүү, Ньурба, Өлүөхүмэ, Булуҥ, Бүлүү, Эдьигээн улуустара көннөрүөхтэрэ диэн, регион ОДьКХ-та СИА-ҕа иһитиннэрдэ.
Тустаах докумуоннары Ростехнадзорга хаттаан бэрэбиэркэҕэ ыытыахтара.
Саха сирин ОДьКХ уонна энергетикаҕа миниистирэ Вячеслав Емельянов улуус баһылыктарын оттук сезонугар бэлэмнэнии пааспардарын бэйэ хонтуруолугар ыларга уонна кылгас болдьоххо итэҕэстэри туоратарга ыҥырда.
Санатан эттэххэ, сэтинньи 15 күнүгэр муниципальнай тэриллиилэр оттук сезонугар бэлэмнэрин сыаналааһын түмүктэнэр.
