24 Ыам ыйа 24.05
  • -7°
  • $ 104,68
  • 115,6

Саха сиригэр ойуур уотугар сөҥүүнү түһэрэр тэриллээх көтөр аал баар буолуоҕа

13:01, 17 января
Текст:

Ойуур уота турар кутталлаах кэмэ саҕаланна да, Саха сирэ сөҥүүнү аҕалар тэриллээх көтөр аалы ылыаҕа. Бу нэдиэлэҕэ «Госкомобж» тэрилтэ уонна «Полярные авиалинии» АХ собуоту кытта үлэни саҕалыахтара, өрөспүүбүлүкэ сүрүн пресс-сулууспата иһитиннэрэр. 

2022 сылга тыа баһаарыттан куттал үөскүүр сезонугар бэлэмнэниигэ Саха сирин былааһа сүрүн болҕомтону эрдэттэн сэрэтэр үлэҕэ ыытар. Дьаһаллар Биир кэлим сайдыы былааныгар суруллаллар.

Тосхол докумуонун бэлэмин Ил Дархан Айсен Николаев тохсунньу 15 күнүгэр анал мунньахха көрдө.

«Дойду президенин дьаһалынан 2022 сылга ойуур баһаарыттан куттал үөскээбэтигэр үбүлээһин эбилиннэ. Авиамониторинг, үөһэнэн уонна алларанан кэтээн көрүүгэ, баһаары умулуннарыыга», — диэтэ кини.

Бастакы соругунан салгын аалларын ылыыга, анал тэриллэринэн хааччыйыыга болҕомтону ууруу буолар, «Авиалесоохрана» уонна «Якутлесресурс» тэрилтэлэр үлэһиттэрин ахсаанын эбэргэ этилиннэ. «Якутлесресурс» тэрилтэҕэ ылыллыбыт бульдозердарга, тягачтарга исписэлиистэр баар буолуохтара. Гидрометеосулууспа олохтоох балаһыанньаны иһитиннэриитинэн, эрдэттэн бу техникалар уот туруон сөптөөх муниципалитеттарыгар ыытыллыахтара.

Билигин Былаан тустаах биэдэмистибэлэри, министиэристибэлэри, федеральнайдааҕы структуралары кытта сөбүлэсиһиини ааста, ол кэннэ бырабыыталыстыбанан түмүктүүр сөбүлэҥ таһаарыллан, Ил Дархан бигэргэтиитигэр киириэҕэ.

Следите за самым важным и интересным в Telegram-канале и WhatsApp-группе ЯСИА
0
0