19 От ыйа 19.07
  • 21°
  • $ 87,88
  • 96,1

Саха сиригэр бастакы крематорийы тутууну муус устарга саҕалыахтара

17:02, 30 марта 2022
Текст:
Читайте нас на
Яндекс Новости
ЯДВ

Өрөспүүбүлүкэҕэ бастакы крематорий тутуутун туһунан биллэрии Саха сиринээҕи тутуу уонна дьиэ кэтээн көрүүтүн управлениетыгар киирдэ. Эбийиэк Дьокуускайга Маҥанныыр тракка, куорат кылабыыһатын территориятыгар баар буолуоҕа. 

Крематорий тутуутугар көҥүл ааспыт сыл бүтэһигэр ылыллыбыт. Эбийиэги тутааччынан «Быдан Эргиир» ХЭУо буолар, техническай сакаасчытынан — «Строй-Индустрия» тэрилтэ.

Бырайыак быһыытынан дьиэ биир этээстээх, иэнэ 313,2 кв. м. Иһирдьэ бырастыылаһар саала, уурунаны уурар сир, өлбүт киһини бэлэмниир туспа технологическай миэстэ, кремация  саалата, диэн иһитиннэрдэ «Госстройжилнадзор» тэрилтэ пресс-сулууспата. Фойеҕа кремацияны көрдөрөр экран баар буолар.

«Билигин крематорийы тутууну бэриэбиэркэлиир бырагыраама оҥоһулунна. Эбийиэги 2022 сыл үһүс кыбаарталыгар киллэрэр былааннаахпыт», — диэн эттэ управление салайааччытын бастакы солбуйааччыта Влад Пермяков.

Следите за самым важным и интересным в Telegram-канале и WhatsApp-группе ЯСИА