Арассыыйа Бэрэсидьиэнэ Владимир Путин Саха Өрөспүүбүлүкэтин уонна Смоленскай уобалас сирдэригэр алмааһы кырыылыыр кластеры тэрийэр туһунан дьаһайда.
Ыйаах быраап аакталарын официальнай саайтарыгар бэчээттэннэ уонна 2027 сыл кулун тутар 1 күнүттэн күүһүгэр киирэр.
Кластер операторынан «Алмазювелирэкспорт» тас эргиэн холбоһуга АУо быһаарылынна. Тэрилтэ юридическэй сирэйдэр уонна урбаанньыттар реестрга киллэриллэргэ сөп түбэһиилэрин туһунан түмүктэри бэлэмнииргэ, ону тэҥэ кластер кыттыылаахтарын айылҕа алмааһын хостооччулары кытта бииргэ үлэлэһиини тэрийэргэ боломуочуйаланар.
