Үлэ уонна социальнай сайдыы миниистирэ Елена Волкова социальнай ситимнэргэ 3 — 7 саастаах оҕолордоох, кыра дохуоттаах ыаллары өйүүр миэрэлэр тустарынан кэпсээтэ. Кини эппитинэн, Саха сиригэр 50 тыһ тахса сайабылыанньа көрүллүбүт, СИА суруйар.
“3 — 7 саастаах оҕолордоох ыаллартан сайабылыанньаны хомуйууну ыам ыйын 20 күнүттэн саҕалаабыппыт. Үлэ күн бүгүҥҥэ диэри ыытылла турар. 50 тыһыынчаттан тахса сайабылыанньа киирбититтэн, 38 тыһыынчатыгар өйөбүл миэрэлэрэ оҥоһулуннулар. Оҕолорго босуобуйа төлөнөр. Кээмэйэ 8651 солк иккис зонаҕа, 10274 солк бастакы зонаҕа (Арктика оройуоннара). Төлөбүр кыра дохуоттаах ыалларга көрүллэр“, – диэтэ миниистир Елена Волкова.
Миниистир эппитинэн, босуобуйа хас ый аайы 26 чыыһылатыгар диэри тириэрдиллэр.Бу сылга уопсайа 3,8 млрд солк көрүллүөхтээх.
