18 От ыйа 18.07
  • 18°
  • $ 88,09
  • 96,3

Саха худуоһунньуктара уонна хендмейдердара үлэлэрин YKT Geek Fest туруоруохтара

17:04, 05 июля
Текст:
Хаартыска: ЯСИА саайта
Читайте нас на
Яндекс Новости
ЯДВ
Гик-култуураҕа анаммыт Саха сирин бэстибээлин тэрийээччилэр YKT Geek Fest худуоһунньуктартан уонна хендмейдердартан сайаапкалары атырдьах ыйын 1 күнүгэр диэри ылаллар.
Үгүс киһи уруһуйдарын уонна комикстарын, киэргэллэрин уонна илиинэн оҥоһуктарын ыыттылар. «Ааптардар аллеяларыгар» уонна «Handmade дьаарбаҥкаҕа» туох буоларын ЯСИА таһаарыытыгар көрүҥ.

«Ааптардар аллеяларыгар» комиксистар, мангактар, худуоһунньуктар мустуохтара уонна бэйэлэрин үлэлэрин көрдөрүөхтэрэ. Айар куттаахтар бэйэлэрин үлэлэрин сөбүлүүр айымньыларыгар, киинэлэригэр, оонньууларыгар аныыллар, араас оригинальнай персонажтары уонна историялары толкуйдууллар.

Хаартыска: ааптардар үлэлэрэ

«Handmade дьаарбаҥкаҕа» ураты киэргэллэри, брелоктары, значоктары, кулгаах-ободуоктары уонна да атын илиинэн оҥоһуктары ылыаххытын сөп.

Хаартыска: хендмейдерар үлэлэрэ

Бэстибээлгэ кыттыахтарын, атын ааптардары кытта билсиэхтэрин, айымньыларын атыылыахтарын баҕалаахтар сайаапкаларгытын renmei@mail.ru почтаҕа атырдьах ыйын 1 күнүгэр диэри ыытыҥ. Дааннайдарыгытын суруйаҕыт, үлэҕит ис хоһоонун кылгастык суруйаҕыт.

Усунуос: 1000 солк биир миэстэҕэ.

Санатабын, 10-с YKT Geek Fest Дьокуускайга «Туймаада» стадиоҥҥа атырдьах ыйын 11 күнүгэр буолуоҕа.

Следите за самым важным и интересным в Telegram-канале и WhatsApp-группе ЯСИА