Тыа хаһаайыстыбата тэтимнээхтик сайдара сир иэниттэн тутулуктааҕа чуолкай. Мин “Якутский гектар” туһунан билиэхпин баҕарабын, диэн куорат кытыытынааҕы нэһилиэнньэлээх пуунтан биир киһи СИА-ҕа төлөпүөннүү сырытта.
«Саха гектара» аграрийдарга улахан көмө буолуохтаах диэн, 2016 сыл ыам ыйыгар бастакы этиини өрөспүүбүлүкэ салалтата киллэрбитэ. Ил Түмэн сөбүлэһэн, ити сыл сэтинньитигэр сокуон ылыллыбыта. Бу “Уһук Илиҥҥи гектар” бырагырааманы кытта атылыы. Ити эрээри Саха сирин олохтоохторугар эрэ ананар.
Оччолорго “Уһук Илиҥҥи гектар” бырагыраама туһунан дьүүллэһии элбэҕэ. “Ол биир гектарынан тугу гынабыт, хаһаайыстыба тэринэргэ кыра”, — диэн эдэр фермердар туруорсубуттара. Эдэрдэр толкуйдара өйөнөн, тыа сиригэр бааһынай хаһаайыстыбалары, ЛПХ-лары, сайылыктааһыны, ойуур хаһаайыстыбатын, “Уһук Илиҥҥи гектар” бырагырааманан предпринимательскай үлэни ыытааччылары өйүүр уонна агропромышленнай комплексы көҕүлүүр сыаллаах “Саха гектара” үлэтин саҕалаабыта.
Саха Өрөспүүбүлүкэтин Сир кодексатын 24.5 ыстатыйатын 1 чааһыгар олоҕуран, киһи ЛПХ эбэтэр КФХ үлэлэтэригэр 6 сылга диэри сир учаастагын төлөбүрэ суох туттарга муниципалитеты кытта дуогабар түһэрсэр. Болдьох туолуута салгыы арендалыырын эбэтэр бэйэтин бас билиитигэр сурунарын тустаах бэйэтэ быһаарар.
