РФ бырабыыталыстыбата «Экология» национальнай бырайыак чэрчитинэн икки национальнай паарканы тэрийдэ: «Кыталык» Саха сиригэр уонна «Токинско-Становой» Амур уобалаһыгар. Бу туһунан ТАСС Россия айылҕа харыстабылын министиэристибэтигэр сигэнэн иһитиннэрэр.
Бырабыыталыстыба уурааҕынан, Аллайыаха улууһугар 1,9 мөл гектар иэннээх сиргэ «Кыталык» национальнай паарка тэрилиннэ.
Сүрүн сыалынан илиҥҥи-сибиирдээҕи кыталыгы ууһатыы уонна харыстааһын буолар. Кыталык — Норуоттар икки ардыларынааҕы уонна РФ Кыһыл кинигэлэригэр киллэриллибит.
«Национальнай паарка тэрийэн туундараны, табаны хотугу норуоттар айылҕаны туһаныыларыгар үгэстэри өйөөһүн уонна экологическай туризмы сайыннарыы буолар«, — диэн этэллэр туһааннаах министиэристибэҕэ.
Пааркаҕа 21 көрүҥ үүтүнэн иитиллээччилэр уонна 91 көрүҥ көтөр, ол иһигэр 63-һэ уйаланааччылар бааллар. Кинилэри сэргэ, бөрө, кырса, росомаха, андаатара, кэрбээччилэр биистэрин ууһа, дьиикэй таба, тайах, киис, кырынаас, лааска, эһэ, овцебык бааллара биллэр.
