Владимир Путин икки уонна онтон элбэх оҕолоох ыал дьиэтин атыытыттан нолуок төлүүрүн тохтоторго этии киллэрдэ. Өскөтүн бу харчы салгыы атын дьиэни ылыыга туттуллар буоллаҕына, суруйар Российская газета.
«Ыалга оҕо эбиллэр. Олорор кыбартыыралара бу ыалга кыараҕас буолар», — президент көҕүлээһинин «Биир ньыгыл Россия» съеһигэр эттэ. Кини бэлиэтээбитинэн, билигин дьиэ атыытыттан подоходнай нолуок тутуллар.
«Икки уонна онтон элбэх оҕолоох дьиэ кэргэттэр дьиэлэрин атыытыттан тутуллар нолуоктан босхолоноллоругар этэбин. Өскөтүн кинилэр биир сыл иһигэр ол харчыны саҥа дьиэ атыылаһалларыгар туттар буоллахтарына», — диэтэ Путин.
