Саха сирин үөрэҕин тэрилтэлэригэр ыччаты патриоттуу иитиигэ тэрээһиннэр буолаллар. Ол туһунан үөрэх миниистирин бастакы солбуйааччыта Михаил Присяжнай эттэ.
«Бу нэдиэлэҕэ өрөспүүбүлүкэтээҕи декада түмүктэнэр, Аҕа дойду Геройдарыгар анаммыт күн. Саха сирин үөрэҕин тэрилтэлэригэр барытыгар буолла. Ахсынньы 8 күнүгэр «Россия – моя история» музейы кытта «Отчизне посвятим» патриотическай пуорум ыытыллар, – диэтэ кини.
Салайааччы бэлиэтээбитинэн, пуорумҥа геройдары кытта көрсүһүүлэр, оскуолаларга туттуллар методическай матырыйааллары дьүүллэһиэхтэрэ, уруоктар куонкурустарын ыытыахтара.
Пуорум кыттыылаахтара «Защитники Отечества» пуонда бэрэстэбиитэллэрин кытта көрсөн кэпсэтиэхтэрэ.
«Бу үөрэх дьылыгар икки тыһыынча кэриҥэ эр санааланыы уруоктара буоллулар. Анал байыаннай дьаһал кыттыылаахтара ыыттылар, кинилэри сэргэ бэтэрээннэр уопсастыбаннай тэрилтэлэрэ», – диэтэ Михаил Присяжный.
68 үөрэх тэрилтэтигэр «Ими гордится» диэн стендалар үлэлииллэр. 30-тан тахса оскуолаҕа «Парта героя» баар.
