Бу күннэргэ Орто Халыма улууһугар Судаарыстыбаннай Дума депутата Федот Тумусов кэлэн Байды нэһилиэгин олохтоохторун, улуус салалтатын, тэрилтэ салайааччыларын кытта көрүстэ уонна үөрэх тэрилтэлэригэр сырытта.
Олохтоохтор уһук хоту сытар улууска үөһэнэн айан иһин төлөбүр, ас-үөл сыаната ыараханын этиннилэр. Олохтоох аэропорт дьиэтин мөлтөх туругун үлэһиттэр кэпсээтилэр.
Күннээҕи кыһалҕаны таһынан дойдуга буола турар быһыыны-майгыны интэриэһиргээн депутаттан сурастылар, чуолаан Уһук Илиҥҥэ сири босхо биэрии, инфляция, кириисис курдук боппуруостар долгуталларын биллэрдилэр.
