15 От ыйа 15.07
  • 21°
  • $ 87,74
  • 95,76

Олорор дьиэни көрүүгэ-харайыыга 2020 сыл түмүгүнэн 4 тыһ кэриҥэ үҥсүү киирбит

11:01, 04 февраля 2021
Текст:
Читайте нас на
Яндекс Новости
ЯДВ

2020 сылга Саха Өрөспүүбүлүкэтин тутууга уонна дьиэни-уоту кэтээhиҥҥэ судаарыстыбаннай Управлениетыгар 4 тыһ кэриҥэ үҥсүү киирбит.


2020 сыл түмүгүнэн барыта 3910 үҥсүү киирбит. Итинтэн 3419 сурук дьиэ-уот коммунальнай өҥө эйгэтигэр сыһыаннаах. Управление пресс-сулууспата иһитиннэрэринэн, 2206 сурук электроннай ситим нөҥүө киирбит.

«Дьон дьиэ тэхиниичэскэй туруга мөлтөҕүн, олорор дьиэлэр сөптөөхтүк көрүллүбэттэрин-хараллыбаттарын (24,3%), элбэх кыбартыыралаах дьиэни салайыы (24%), коммунальнай өҥөнү сыыһа ааҕыы (18%) боппуруостарын ордук үҥсэр», — диир Управление салайааччыта Павел Аргунов.

Управление киирбит үҥсүүнү барытын болҕомтоҕо ылан, араас миэрэлэри ылбыт. Холобур, салайар хампаанньаларга, кинилэр салайааччыларыгар 5,9 мөл солк ыстараап түһэрбит. Араас бэрэбиэркэлэр түмүктэринэн өҥөнөн туһанааччыларга барыта 2,5 мөл солкуобай харчы төннүбүт.

Следите за самым важным и интересным в Telegram-канале и WhatsApp-группе ЯСИА