Ньурба улууһун дьаһалтата үс саҥа «ПАЗ-Вектор» оптуобустары атыыласта. Бу туһунан СИА улуус дьаһалтатын пресс-сулууспатыгар сигэнэн иһитиннэрэр.
Билигин Дьокуускайга атыылаһыы аактата, дуогабара оҥоһулла сылдьар.
Саҥа «ПАЗ-Вектор» оптуобустары улуус дьаһалтата дьон-сэргэ айанныырыгар сымнаҕас, табыгастаах буоллун диэн атыыласта. Социальнай хайысхалаах Ньурбатааҕы автотранспортнай тэрилтэ (АТП) автобустара «Ыраах Убайаан – Ньурба — Антоновка» хайысханан күннэтэ сылдьыахтара. Оскуола оҕолоругар чэпчэтиилээх айан аны күһүҥҥэттэн салҕаныаҕа.
Күлүүһү туттарыы анал сиэрэ-туома үөрүүлээх быһыыга-майгыга бу ый бүтэһик күннэригэр ыытыллыаҕа.
