19 От ыйа 19.07
  • 23°
  • $ 87,88
  • 96,1

Ньурба оҕолоро Советскай Союз Геройа Николай Чусовской пааматынньыгар сибэкки олортулар

Хаартыска: Ньурба хаһыат
Читайте нас на
Яндекс Новости
ЯДВ

Экологическай хайысхалаах «Зеленый патруль» лааҕырга иллэрээ сыллаахха 14, ааспыт сылга 10 оҕо сылдьыбыт буоллаҕына, быйыл 8 оҕо уһуйуллар. Үксүн элбэх оҕолоох ыаллар оҕолоро үлэлииллэр.

Лааҕыры Ньурба 2 №-дээх оскуолатын географияҕа учуутала, СӨ үөрэҕирии систиэмэтин туйгуна Мария Андреевна Капустина 2000 сылтан салайан үлэлэтэр. Бу иннинэ Мария Андреевна лааҕыра хаппыыста үүннэриитинэн, көрүүтүнэн дьарыктара.

— Үлэбит сүрүнэ сайыҥҥы кэмҥэ оҕону дьарыктаах буоларга үөрэтии. Куораппыт тупсаҕай, ыраас көрүҥнээх буоларыгар сибэкки олордуута, көрүү-харайыы, ырааһырдыы үлэтигэр оҕолор үлэлииллэр, — диэн кылгастык билиһиннэрдэ.

Энтузиаст учуутал Мария Андреевна лааҕыр оҕолорунаан Степан Васильев аатынан уулуссаҕа баар Советскай Союз Геройа Н.Н. Чусовской пааматынньыгар сибэкки олортулар. Лермонтовскай түөлбэ олохтоохторо махталларын биллэрдилэр, суруйда Антонина Семенова, Ньурба улууһа.

Следите за самым важным и интересным в Telegram-канале и WhatsApp-группе ЯСИА