20 От ыйа 20.07
  • 19°
  • $ 88,02
  • 96,04

Ньурбаҕа ойуур бизоннарын иитиэхтэрэ

11:01, 20 января 2021
Текст:
Читайте нас на
Яндекс Новости
ЯДВ

Ньурба улууһугар 10 төбө ойуур бизонун аҕалан тарҕатар туһунан сүбэ мунньах бэҕэһээ, тохсунньу 19 күнүгэр улуус дьаһалтатыгар ыытыллыбыт. Бу туһунан Ньурба улууһун баһылыга Алексей Иннокентьев инстаграм сирэйигэр суруйар.


«Ньурба улууһугар 10 төбө ойуур бизонун аҕалан тарҕатар туһунан бүгүн СӨ айылҕа харыстабылын министиэристибэтин биологическай ресурса салаатын дириэктэри солбуйааччыта Вячеслав Константинов, биологическай ресурса салаатын салайааччыта Роман Сметанин, Ньурбатааҕы айылҕа харыстабылын кэмитиэтин салайааччыта Герасим Парников буолан сүбэлэстибит. Саха сирэ 20-чэ сыл ойуур бизонун бэйэтин айылҕатыгар иитиигэ, ууһатыыга үлэлиир.

Ирдэбил быһыытынан биир төбө бизоҥҥа 6 га мэччийэр сир көрүллүөхтээх, 10 төбө кэлэр түгэнигэр 60 гаалаах сиргэ питомник тутуллуон наада. Маны тэҥэ кинилэри-көрөргө-истэргэ үлэһит, кини олорор дьиэтэ, гарааһа уонна сайыҥҥы өттүгэр техниканан хааччыйыахтаахпыт.

Ааспыт кэккэ сылларга биоресурс дирекциятын исписэлиистэрэ бизоннары ыытарга сабаҕаланар сири талаары чинчийии уонна экспертнэй үлэтин ыыппыттара. Ол түмүгүнэн, ойуур бизоннарын иитэргэ сөптөөх сиринэн Бордоҥ Күөлэ, Чуукаар Күөлэ ааттаммыттара.

Барыта этэҥҥэ былаан быһыытынан бардаҕына эһиил 10 төбөнү аҕалыахпыт», — диэн суруйбут баһылык.

Следите за самым важным и интересным в Telegram-канале и WhatsApp-группе ЯСИА