«Дьиэ кэргэн экономикатын сайыннарыы» бырагыраама Нам улууһун баһылыга Юрий Слепцов дьаһалынан 2020 сыллаахха ылыллан, Нам оройуонун олохтоохторугар көмө, өйөбүл буолла.
Бырагыраама хайысхата сылтан сыл эбиллэр. Быйылгы сылга икки көрүҥ эбии киирдэ: мүөттээх ыҥырыа уонна ньирэй. Ньирэйгэ толуйуу 5 тыһ. солк., оттон мүөттээх ыҥырыаҕа хаһаайыстыба тэриниигэ ороскуот 40% хаһаайыҥҥа төннөр.
Ону таһынан быйылгыттан сырыыта уустук нэһилиэнньэлээх пууннарга – өрүс нөҥүө уонна Салбаҥ нэһилиэктэрин олохтоохторугар түргэнник ситэр көрүҥҥэ ороскуот 60%-на толуйуллар буолла.
Бэлиэтээн эттэххэ, бу бырагыраама нэһилиэнньэҕэ туһалааҕын толору дакаастаата, дьон-сэргэ бэйэ дьарыктаах буолуутун сөргүттэ, «Нам улууһа» МТ пресс-сулууспата СИА-ҕа суруйда.
