Муома оройуонугар Тирэхтээх өрүһү туораары 13 киһилээх, ол быыһыгар 6 оҕолоох «УРАЛ» -вахтовка массыынана тимирдэ. Пассажирдары барыларын быыһыыр сулууспа испэсэлиистэрэ уонна «Полярные авиалинии» үлэһиттэрэ ситиһиилээхтик эвакуациялаатылар.
Көмө кэлиэн иннинэ, айаннаан испит дьон бары массыынаттан тахсыбыттар, уонна өрүс кытылыгар лааҕырдаан олорбуттар. Биэрэккэ тахсаат, иттээри уот умаппыттар, ол иһин көрдүүр бөлөх дьону тута булбут.
Хонуу нэһилиэгэр кэлээттэрин кытта, быыһаммыт дьон медиктэр көрдүлэр.
