20 От ыйа 20.07
  • 19°
  • $ 88,02
  • 96,04

Мэлдьэхсилэр Краснодарскай кыраайтан 27 мэтээллээх кэллилэр

12:33, 28 июня 2016
Читайте нас на
Яндекс Новости
ЯДВ

Сэбиэскэй Союз успуордун маастара, Россия үөрэҕириигэ туйгуна, «Азия оҕолоро» норуоттар икки ардыларынааҕы пуонда стипендиат-педагога, Таатта улууһун Бочуоттаах гражданина, үлэтигэр бэриниилээх Василий Куприянов төрөөбүт бөһүөлэгэр көһөн кэлиэҕиттэн аҕыйах кэм иһигэр Мэлдьэхсигэ дуобакка интэриэс улаатта. 


Соторутааҕыта Василий Васильевич түөрт үөрэнээччитинээн Краснодарскай кыраайтан улахан кубоктаах, 27 мэтээл хаһаайыннарынан ааттанан кыайан-хотон кэллилэр.

Ыам ыйын 27 бэс ыйын 9 күннэригэр Сочига 100 харахтаах дуобакка Россияҕа бастыыр иһин итиэннэ нуучча дуобатыгар Россиятааҕы турнирга Дима Колесов (Мэлдьэхси, 7-с кылаас), Проня Говоров (Мэлдьэхси, 2-с кылаас), Сандал Стручков (Дьабыыл, 2-с кылаас) уонна Женя Романова (Мэлдьэхси, 7-с кылаас) састааптаах хамаанда Саха сиригэр биэс мэтээли аҕалары ситистилэр.

Ол кэнниттэн бэс ыйын 10‒20 күннэригэр Краснодарскай кыраай Голубийскай сэлиэнньэтигэр 100 харахтаах уонна нуучча дуобатыгар Россиятааҕы турнирга Ростовскай уобалас, Подмосковье, Краснодарскай кыраай бастыҥ дуобатчыттарын хотоннор, хамаанданан бастакы миэстэ буоллулар.

Биирдиилээн бастыыр иһин күрэхтэһиигэ 20, оттон улахан дьоҥҥо Василий Куприянов икки төгүл боруонса мэтээли, онон уопсайа 27 мэтээли ылары ситистилэр. Былырыыҥҥы турнирга тириэньэр 20 мэтээли аҕалбыппыт диэтэ. «Аны атырдьах ыйын 1‒9 күннэригэр Проня Говоров Белоруссияҕа Европа, оттон атырдьах ыйын 25 балаҕан ыйын 10 күннэригэр Болгарияҕа аан дойдутааҕы турнирдарга Проняны кытта Мэлдьэхситээҕи «Хатыҥчаан» оҕо саадын иитээччитэ Алина Степанова күрэхтэһэ барыахтара», ‒ диэн билиһиннэрдэ.

Следите за самым важным и интересным в Telegram-канале и WhatsApp-группе ЯСИА