Тохсунньу 8 күнүгэр Майатааҕы Итэҕэл балаҕаныгар саҥа сыл уотун оттуу сиэрэ-туома ыытылынна. Ол туһунан @gazetaerkeii суруйда.
Быйыл сахаларга Айыыһыт сыла кэллэ. Бу Арассыыйаҕа Дьиэ кэргэн, өрөспүүбүлүкэбитигэр Оҕо саас, улууспутугар Тыа хаһаайыстыбатын 2-с, Майаҕа Чөл олох сылларыгар сөп түбэстэ. Бу дьиэ кэргэн олоҕо уйгулаах, оҕо-ыччат дьоллоох, дьон-сэргэ үлэлээх уонна чөл туруктаах буолалларыгар төһүү күүс буолуоҕа, диэн суруллар иһитиннэриигэ.
«Бүгүҥҥү алгыс барыта онно туһаайыллан ыытылынна. Алгыс баһа сыаланнын!», — диэтилэр мустубут дьон.
