Дьокуускай куорат таһынааҕы Маҕан нэһилиэгэр тохсунньу 13 күнүгэр Кыайыы уулуссатын 40 сылыгар аналлаах уулуссаҕа түөрт этээстээх дьиэ умайда. Баһаарынайдар уоттан икки киһини таһаардылар. Бу туһунан Арассыыйатааҕы ЫБМ Саха сиринээҕи пресс- сулууспата иһитиннэрэр.
Баһаарынай-быыһыыр сулууспаҕа ыҥырыы 11:31 чааска киирбит. Баһаарынайдар биэс мүнүүтэнэн кэлбиттэр, бу кэмҥэ төрдүс этээскэ баар дьиэ түннүгүттэн хара буруо тахса турбут. Быһылаан сириттэн 12 киһини эвакуациялаатылар. Уот 25 квадратнай миэтэрэ иэннээх сири ылбыт. Эмсэҕэлээбиттэр тустарынан иһитиннэрии суох.
Баһаар биричиинэтинэн табаҕы сэрэҕэ сэрэҕэ суох тардыы буолуон сөп диэн ыйыллар. Буруйдаах сирэй уонна хоромньу олохтонор.
Уоту умуруорууга Дьокуускайдааҕы баһаарынай гарнизон үс тиэхиникэтэ уонна личнэй састаабыттан 12 киһи кытынна.
