16 От ыйа 16.07
  • 25°
  • $ 87,81
  • 95,78

Лиибинэн туһаныы иһин төлөбүрү бастакы этээс олохтооҕо төлүүрэ сөп дуо?

13:13, 25 августа 2020
Текст:
Читайте нас на
Яндекс Новости
ЯДВ

Бастакы этээскэ олорор элбэх кыбартыыралаах дьиэ олохтоохторо, лиибинэн туһаммат эрээри, ыйын аайы булгуччулаах төлөбүрү төлүүллэрэ төһө оруннааҕын Саха Өрөспүүбүлүкэтин тутууга уонна дьиэни-уоту кэтээhиҥҥэ судаарыстыбаннай Управлениетын салайааччы Павел Аргунов быһаарар.


Павел Анатольевич РФ Дьиэ кодексын 39-с ыст. сигэнэн, элбэх кыбартыыралаах дьиэ олохтооҕо дьиэ уопсай малынан-салынан, тээбирининэн туһанарын иһин, көрүүгэ-харайыыга ороскуотурар диэн быһаарар.

Лииб, лииб шахтата уопсай баайга киирсэр. Бастакы этээс олохтоохторугар туспа нуорма суруллубатах. Маны таһынан лиибинэн дьиэни көрөр-истэр тэхиниичэскэй үлэһиттэр туһаналлар. Сороҕор бастакы этээс олохтоохторун алдьаныытын эбэтэр бүтүн дьиэ саахалын оҥороору эппиэттээх үлэһиттэр лиибинэн үөһээ этээстэргэ эбэтэр дьиэ сарайыгар тахсаллар.

«Итинэн сиэттэрэн дьиэ олохтоохторо бары, ким, хаһыс этээскэ олороруттан тутулуга суох лииб иһин төлөбүрү толору төлүүр эбээһинэстээхтэр«, — диир Павел Аргунов. «Булгуччулаах төлөбүргэ лиибинэн туһаныы, өрөмүөн ороскуоттара киирэн сылдьаллар, онон салайар хампаанньа итинтэн эбии төлөбүрү көрдүө суохтаах«, — диир салайааччы.

Следите за самым важным и интересным в Telegram-канале и WhatsApp-группе ЯСИА