Ыам ыйын 9 күнүгэр Дьокуускайга «Өлбөт үөстээх полк» аахсыйа үгэскэ кубулуйбут киэбинэн ыытыллар. Кыайыы күнүгэр сэлэлии хаамсыы кыттыылаахтара Хабаров уонна Богатырев уулуссаларынан аймахтарын — Аҕа дойду улуу сэриитин кыттыылаахтарын хаартыскаларын тутан хаамыахтара.
Тэрийээччилэр бэлиэтээбиттэринэн, бу кэмҥэ айан-сырыы уулуссаларга тохтотуллар. Сарсыарда 8 чаастан Хабаров уулуссатын, маны сэргэ Богдан Чижик уулуссатыттан Федор Попов уулуссатын быһа охсуутугар диэри учаастак.
Холуоннаҕа холбоһуу 13 хонтуруоллуур-аһардар пуун нөҥүө тэриллэр. Олор Ленин проспегар, Чиряев уонна Хабаров уулуссаларыгар, 202-с микрооройуоҥҥа, ону сэргэ Богатырев уулуссатыгар туруоруллуохтара.
Мустуу 10:30 чааска «Токко» маҕаһыыҥҥа Хабаров уулуссатын 16 нүөмэрин туһаайыытынан буолар. Маршрут Хабаров уулуссатынан ыытыллыаҕа уонна Богатырев уулуссатыгар тохтуоҕа.
