Өлөөннөөҕү судаарыстыбаннай экологическай хонтуруол иниспиэксийэтэ булт управлениетын уонна биологическай ресурсалар дирекцияларын исписэлиистэрин кытта бииргэ ыам ыйын 29 күнүттэн бэс ыйын 8 күнүгэр диэри «Бэкэ» ресурснай резерват сиригэр-уотугар сырыттылар. Бу туһунан Саха сирин экологияҕа, айылҕаны туһаныыга уонна ойуур хаһаайыстыбатыгар министиэристибэтэ иһитиннэрэр.
Сүрүн сыал — Өлүөнэ-Өлөөн тардыыларынан үөскүүр кыыл таба популяциятын үөрэтии. Айылҕа пуондатын президенскэй бырайыагын чэрчитинэн, иниспиэктэрдэр кыыллар сезоннааҕы миграцияларын маршруттарын кэтээн көрдүлэр уонна популяцияҕа киһи дьайыытын сыаналаатылар.
Кыыллары моойторуктааһын үлэтэ Өлөөн өрүһү туорааһын кэмигэр, кыыллар маассабай миграцияларыгар ыытыллыбыта. Бу ньыманы туһанан, үлэни ордук көдьүүстээхтик уонна куттала суохтук толорор кыахтаммыттар.
Маны таһынан, исписэлиистэр олохтоох сөбүлээн бултуур дьоҥҥо сэрэтэр үлэни ыыппыттар. Кинилэргэ булт быраабылатын уонна ойуурга баһаартан сэрэхтээх буолуу миэрэлэрин туһунан кэпсээбиттэр.
