25 От ыйа 25.07
  • 21°
  • $ 86,55
  • 94,38

Лөгөй оскуолатын интернатыгар 22 оҕо уонна үс үлэһит COVID-19 дьаҥҥа сутулунна

11:19, 29 сентября 2020
Текст:
Читайте нас на
Яндекс Новости
ЯДВ

Уус Алдан улууһун Лөгөй оскуолатын интернатыгар 22 үөрэнээччи уонна үс интернат үлэһитэ коронавирустаабыттара билиннэ. Улуустааҕы үөрэх управлениетын начальнига Ирина Тарская эппитинэн, ыалдьыбыттар туруктара этэҥҥэ.


Интернакка олорор оҕолор Лөгөйдөөҕү балыыһа обсерваторыгар эмтэниини ааһаллар. Кэптэни сэлиэнньэтигэр алтынньы 10 күнүгэр диэри харантыын биллэрилиннэ, сыстыганнаах дьаҥы утары охсуһууга эбии миэрэлэр ылыллаллар, диэн иһитиннэрдилэр үөрэх министиэристибэтигэр.

«Улууска истэн үөрэҕи балаҕан ыйын 15 күнүттэн саҕалаабыппыт. Лөгөй оскуолатын интернатыгар оҕолор киирбиттэрин кэнниттэн, балаҕан ыйын 18 күнүгэр үс иитиллээччигэ коронавирус сибикитэ баара биллибитэ. Тута анаалыс ылыллыбыта, COVID-19 инфекцията баара бигэргэммитэ. Салгыы эбии 19 үөрэнээччигэ уонна үс интернат үлэһитигэр ыарыы баара биллибитэ. Барыллаан быһаарыынан, вирус атын улуустан кэлбит оҕоҕо баара биллэр.
Сэттэ оҕоҕо ыарыы биллэр, атыттар чэпчэкитик аһардаллар. Үс үлэһит этэҥҥэлэр, дьиэлэригэр эмтэнэллэр. 24 оҕо интернакка олорор. Оскуола дистанционнай үөрэхтээһиҥҥэ көстө. Билигин Роспотребнадзор салаата бэрэбиэркэ ыытар», – диэтэ Ирина Тарская.
Следите за самым важным и интересным в Telegram-канале и WhatsApp-группе ЯСИА